რუსეთის ფედერაციის უშიშროების საბჭოს თავმჯდომარის მოადგილემ, დიმიტრი მედვედევმა ჰააგის სასამართლოს გადაწყვეტილებას ეხმიანება და სისხლის სამართლის საერთაშორისო სასამართლოს რუსული ჰიპერბგერითი რაკეტით ემუქრება.
"სავსებით შესაძლებელია, წარმოვიდგინოთ ჰააგის სასამართლოს შენობაზე ჩრდილოეთის ზღვაში მდებარე რუსული ხომალდიდან „ონიქსის“ ჰიპერბგერითი რაკეტის წერტილოვანი გამოყენება", – განაცხადა მედვედევმა.
მისი თქმით, სასამართლო არის საცოდავი საერთაშორისო ორგანიზაცია.
„სასამართლო არის საცოდავი საერთაშორისო ორგანიზაცია და არა ნატო-ს ქვეყნების მოსახლეობა, ამიტომ არავინ იდარდებს. ომს არავინ დაიწყებს. შეეშინდებათ. არავის შეებრალებათ. ასე რომ მოსამართლეებო, ყურადღებით უყურეთ ცას“, – განაცხადა მედვედევმა.
