რუსეთის თავდაცვის სამინისტრო აცხადებს, რომ 1-ელ მარტს ყირიმს „თავს დაესხა“ 10 უკრაინული უპილოტო საფრენი აპარატი, რომლებიც რუსულმა ძალებმა ჩამოაგდეს.
„აღკვეთილია კიევის რეჟიმის მასირებული შეტევის მცდელობა ყირიმის ნახევარკუნძლზე მდებარე ობიექტებზე. 6 უკრაინული უპილოტო აპარატი საჰაერო თავდაცის სისტემებმა ჩამოაგდეს, კიდევ ოთხი მწყობრიდან იქნა გამოყვანილი რადიოელექტრონული ბრძოლის საშუალებებით“, - ნათქვამია რუსეთის თავდაცვის უწყების განცხადებაში. მისივე განცხადებით, „თავდასხმას“ ნგრევა და მსხვერპლი არ მოჰყოლია.
28 თებერვალს გავრცელდა ინფორმაცია, რომ მოსკოვის ოლქში „გაზპრომის“ კუთვნილი ობიექტის სიახლოვეს უპილოტო საფრენი აპარატი ჩავარდა. როგურც რუსული მედია წერს, რუსეთის უსაფრთხოების ფედერალურმა სამსახურებმა უპილოტო საფრეინ აპარატის შიგნით ასაფეთქებელი მოწყობილობა იპოვეს.
ასევე აფეთქებები მოხდა რუსეთის ქალაქ ტუაფსეში, რასაც „როსნეფტის“ ნავთობქარხანაში ხანძარი მოჰყვა.
ასევე რუსეთის სამხრეთ ფედერალურ ოლქში - ადიღეიში ჩავარდა ლეტალური საფრენი აპარატი.
ასევე, 28 თებერვალს, დღისით, რუსეთის ქალაქ სანკტ-პეტერბურგში დაიკეტა პუკლოვოს აეროპორტი „ამოუცნობი მფრინავი ობიექტის გამოჩენის გამო“.
