საქართველოს ბანკი ბიზნესის მხარდაჭერას აქტიურად აგრძელებს და ფერმერებს მათთვის საჭირო პროექტებში ჩართვას სთავაზობს. ერთერთი კომპანია, რომელმაც საქართველოს ბანკის აგრო ბუღალტერიის პროგრამაში მიიღო მონაწილეობა - ბაიას ღვინოა.
„ჩვენი მეღვინეობა დღითიდღე ფართოვდება და საინტერესოდ ვითარდება, როგორც ადგილობრივ, ასევე 17 საექსპორტო ბაზარზე. რაც შეეხება აგრო ბუღალტერიის პროექტს - საკმაოდ რთულია სწორი ფინანსური მენეჯმენტი და ბუღალტერია. სწორედ ამიტომ გადავწყვიტეთ აღნიშნულ პროგრამაში ჩართვა. პროექტში მონაწილეობამ და საინტერესო ადამიანებთან მუშაობამ სწორად დაგვანახა კომპანიის დღევანდელი მდგომარეობა და სამომავლო გეგმებთან შესაბამისობა. პირველ რიგში, ბუღალტრულ აღრიცვას, როგორც კომპანიის საოპერაციო ნაწილს, მეტი ყურადღება დავუთმეთ. ამასთან ერთად, EBRD-ის პროგრამისთვის შევძელით შეგვედგინა კომპანიის ფინანსური დოკუმენტი. პროგრამაში მონაწილეობამ მოგვცა ახალი შესაძლებლობები, უკეთ დაგვენახა ჩვენი კომპანიის ხუთწლიანი ზრდის პერსპექტივა“, - განაცხადა კომპანია „ბაიას ღვინის“ დამფუძნებელმა, ბაია აბულაძემ.
აგრო ბუღალტერია საქართველოს ბანკის პროექტია, რომლის მიზანია ხელი შეუწყოს ფერმერებს ფინანსური აღრიცხვის სწორად წარმოებასა და საქმიანობის განვითარებაში. აგრო ბუღალტერიის პროექტში 20 კომპანიაა ჩართული და მათ სამი თვის განმავლობაში შესაძლებლობა აქვთ მაღალკვალიფიციური საბუღალატრო კომპანიის Nexia TA-ს მომსახურება სრულიად უფასოდ მიიღონ. პროექტი EFSE Entrepreneurship Academy-სთან ერთად ხორციელდება.
პროექტში მონაწილეობის მიღების სურვილისა და დამატებითი ინფორმაციის შემთხვევაში, ეწვიეთ ვებგვერდს: https://bankofgeorgia.ge/ka/business/funding/agro
ცნობისთვის, კომპანია „ბაიას ღვინო“ 2015 წელს დაარსდა და დასავლეთ საქართველოში, სოფელ ობჩაში მდებარეობს. მარანი ორიენტირებულია, გააგრძელოს მეღვინეობისა და მევენახეობის მეოთხე თაობის საოჯახო ტრადიცია. კომპანია საკუთარ ვენახებს ფლობს, სადაც გაშენებულია ცოლიკოურის, ციცქის, კრახუნას, ოცხანური საფერისა და ალადასტურის ჯიშის ყურძნები. „ბაიას ღვინო“ ცქრიალა ღვინოებს პეტნატის მეთოდითა და ქვევრში ტრადიციული იმერული სტილის ღვინოებს აწარმოებს, რომლებიც სასიამოვნო მჟავიანობითა და არომატულობით ხასიათდება. კომპანიის ღვინო აქტიურად იყიდება, როგორც ადგილობრივ, ასევე საერთაშორისო ბაზარზე.
