იირანში პროტესტის მხარდამჭერი ფეხბურთელი ვორია გაფური დააკავეს. მას ბრალი "პროპაგანდის გავრცელებაში" წაუყენეს.
ირანში ცნობილი ფეხბურთელი, ვორია გაფური "ეროვნული ნაკრების რეპუტაციის შელახვისა" და ირანის წინააღმდეგ "პროპაგანდის" გავრცელების ბრალდებით დააკავეს.
წარმოშობით ქურთი გაფური და მტკიცედ უჭერს მხარს საპროტესტო გამოსვლებს, რომლებიც ირანში მიმდინარეობს.
ირანში მოსახლეობა 22 წლის მაჰშა ამინის მკვლელობას აპროტესტებს. ახალგაზრდა ქალი "ჩადრის არასწორად ტარების" ბრალდებით დააკავეს, რამდენიმე დღეში კი ის გარდაიცვალა. თვითმხილველები ყვებიან, რომ პოლიციელებმა ქალი სასტიკად სცემეს.
სოციალურ ქსელებში გაფური მხარს უჭერდა აქციებს და წერდა, რომ ქურთებით დასახლებულ რაიონებს ეწვია, რათა სოლიდარობა გამოეხატა ოჯახებისთვის, რომელთა ახლობლებიც აქციების დროს დაიღუპნენ.
