უკრაინის შეიარაღებული ძალების გენერალური შტაბის დილის მონაცემების თანახმად, რუსი სამხედროები წარუმატებლად ცდილობდნენ წინსვლას დონბასში რამდენიმე მიმართულებით.
გენერალური შტაბის ინფორმაციით, რუსეთის არმია განაგრძობს საავიაციო შეტევებს ხარკოვის ოლქსა და დონბასის რაიონებში.
უკრაინის შეიარაღებული ძალების ცნობით, რუსი სამხედროები ცდილობდნენ "გაეხორციელებინათ უკრაინის სამხედრო პოზიციების დაზვერვა დოლინას დასახლების მიდამოში" სლავიანსკიდან არც თუ ისე შორს, მაგრამ განიცადეს დანაკარგი და უკან დაიხიეს.
გენერალურ შტაბში განაცხადეს, რომ რუსების თავდასხმა სოფელ ბოგოროდიჩნის მახლობლადაც უშედეგოდ დასრულდა.
კრამატორსკის მიმართულებით რუსებმა განახორციელეს გრიგოროვკას, სევერსკის და ივანო-დარიევკას საარტილერიო დაბომბვა, ხოლო გრიგოროვკას რაიონში საავიაციო დარტყმები.
უკრაინელმა სამხედროებმა მოწინააღმდეგის შეტევა შეაჩერეს დონეცკის ოლქის ქალაქ ბახმუტის მახლობლადაც.
გარდა ამისა, რუსეთის ჯარებმა, უკრაინელი სამხედროების თქმით, სცადეს შეტევის განხორციელება ავდიივკას რაიონში სოფელ პერვომაისკოიეს მახლობლად, რომელიც ასევე წარუმატებლად დასრულდა.
