ამერიკის შეერთებულ შტატებში საქართველოს ახლად დანიშნული ელჩი თემურ იაკობაშვილი მოვალეობის შესრულებას, სავარაუდოდ, მომავალი წლის დასაწყისიდან შეუდგება. ამის შესახებ იაკობაშვილმა დღეს პარლამენტის პლენარული სხდომის დასრულების შემდეგ ჟურნალისტებს განუცხადა.
"პარლამენტის ასეთი მხარდაჭერა დიდ პასუხისმგებლობას მაკისრებს. აშშ-ში ხუთი მიმართულებით ვაპირებ მუშაობის გააქტიურებას. ეს იქნება საკანონმდებლო და აღმასრულებელი ხელისუფლება, ბიზნეს და აკადემური წრები, ასევე კულტურული სფერო", - აღნიშნა იაკობაშვილმა.
მისი განმატებით, მისი კანდიდატურის დასამტკიცებლად ელჩის თანამდებობაზე ახლა ამერიკული მხარის თანხმობაა საჭირო და თუ საშობაო არდადგები ხელს არ შეუშლის, მოვალების შესრულებას მომავალი წლის დასაწყისიდან შეუდგება.
შეგახსნებთ, რომ აშშ-ში საქართველოს საგანგებო და სრულუფლებიანი ელჩის თანამდებობაზე თემურ იაკობაშვილის კანდიდატურა პარლამენტმა დღეს დაამტკიცა.
