"თბილისი - წიგნის მსოფლიო დედაქალაქი" აცხადებს შემოქმედებით პროგრამას დებიუტანტი ავტორებისთვის. პროგრამა მიზნად ისახავს, დამწყებთა ნამუშევრების პროფესიონალურ შეფასებას.
პროგრამაში მონაწილეობის მსურველებმა, საკუთარი ნაწარმოებები, 28 თებერვლის ჩათვლით, უნდა გამოაგზავნონ მისამართზე: info@tbilisiwbc.ge (აუცილებელია თემის მითითება - "შემოქმედებითი პროგრამა დებიუტანტი ავტორებისთვის"). ტექსტი უნდა იყოს 10-დან 20 გვერდამდე პროზაული ნაწარმოები, აკრეფილი Sylfaen ფორმატში, შრიფტის ზომა - 12, ხოლო სტრიქონებს შორის მანძილი - 1.5 მმ.
პროგრამაში მონაწილეობამდე, ავტორს არ უნდა ჰქონდეს გამოქვეყნებული არცერთი ნაწარმოები არც ბეჭდური და არც ციფრული სახით.
ნამუშევრებს შეაფასებს ექსპერტთა ჯგუფი პროფესიონალი ავტორის, რედაქტორისა და შემოქმედებითი წერის სპეციალისტის შემადგენლობით, რომელიც ათი საუკეთესო ტექსტისთვის პროფესიონალურ წერილობით დასკვნას მოამზადებს.
"თბილისი - წიგნის მსოფლიო დედაქალაქი" UNESCO-ს პროექტია, რომელიც ხორციელდება თბილისის მერიის ფინანსური მხარდაჭერით. პროექტის გენერალური სპონსორია საქართველოს ბანკი.
