სანამ აკუმულატორის მოვლისა და შერჩევის შესახებ მოგიყვებით, ჯერ ამ ნაწილის მნიშვნელობის შესახებ კიდევ ერთხელ მინდა შეგახსენოთ. დიდ დროს არ წაგართმევთ, სულ რამდენიმე ფაქტორს ჩამოვთვლი. 

იცოდით, რომ აკუმულატორს ავტომობილის გულს ეძახიან?! ის დენის მთავარი წყაროა, რომლის გამართულად ფუნქციონირების გარეშე თქვენს მანქანაში ყველა ელექტრო მოწყობილობა ფუნქციას კარგავს, უბრალოდ ითიშება. 

საავტომობილო სასტარტერო მჟავა-ტყვიის აკუმულატორი ქიმიური რეაქციის შედეგად გამოიმუშავებს დენს და აწვდის ელექტრო მომხმარებლებს. აკუმულატორია პასუხისმგებელი ავტომობილის ძრავის დაქოქვაზე, უსაფრთხოებაზე, ფუნქციონალური ატრიბუტების მუშაობაზე, დამატებით აქსესუარებზე, - მოკლედ, ყველაფერზე, რაც თქვენს უსაფრთხოდ გადაადგილებაზეა პასუხისმგებელი და კომფორტს გიქმნით მანქანაში. 

ავტომობილების თანამედროვე ბაზარი აკუმულატორების ფართო არჩევანს გვთავაზობს. დამზადების ტექნოლოგია განსხვავებულია, შესაბამისად მუშაობისა და დამუხტვის სტილიც განსხვავდება. ყველა ავტომობილზე აკუმულატორი ინდივიადუალურ მონტაჟს საჭიროებს. 

აკუმულატორის შერჩევისას უნდა გავითვალისწინოთ, როგორც ავტომობილის გამოშვების თარიღი, ასევე მანქანის ბრენდი, მოდელი, ძრავისა და საწვავის ტიპი და ა.შ. მხოლოდ ამის შემდეგ შევძლებთ აკუმულატორის ზუსტი მოდელის შერჩევას ჩვენი მანქანისათვის. ასევე უნდა გვახსოვდეს, რომ რაც უფრო მძიმეა აკუმულატორი, მით უფრო ხარისხიანია ის, თუმცა სიმძიმესთან ერთად, ის ფიზიკურად უნდა იყოს თავსებადი ჩვენს სატრანსპორტო საშუალებაში. 

ამ სტატიაში სწორედ ამ მახასიათებლებზე მოგიყვებით და გაგაცნობთ, თუ როგორ უნდა მოვუაროთ აკუმულატორს, ისე რომ ჩვენი მანქანის ეს უმნიშვნელოვანესი ნაწილი არ დავაზიანოთ. 

პერიოდულად შეამომწეთ თქვენი აკუმულატორი

ჩვეულებრივ, ახალი აკუმულატორის მონტაჟის შემდეგ, მისი ფუნქციონირება რამდენიმე წელი გრძელდება, თუმცა რამდენად დიდ ხანს მოგვემსახურება, ეს დიდწილად ჩვენზეც არის დამოკიდებული. 

აუცილებელია ვიცოდეთ, რომ აკუმულატორი საჭიროებს პერიოდულ შემოწმებას. მკაცრი კლიმატი აკუმულატორის პირველი მტერია. საყურადღებოა, როგორც მაღალი ტემპერატურა, ასევე ზამთრის ცივი სეზონი. ძლიერი ყინვის გამო შესაძლოა თქვენი აკუმულატორი მწყობრიდან გამოვიდეს, განსაკუთრებით თუ მისი რესურსი უკვე დაბალია. 

ისიც უნდა გვახსოვდეს, რომ მანქანის დაქოქვასთან დაკავშირებული პრობლემა ყოველთვის არ უკავშირდება აკუმულატორის გაუმართაობას. ეს შეიძლება სხვა მიზეზებითაც იყოს გამოწვეული. 

აკუმულატორის განმუხტვის და მწყობრიდან გამოსვლის მიზეზები

გამოცდილმა მძღოლებმა, დარწმუნებული ვარ, კარგად იციან, მაგრამ შესაძლოა ახალბედებს გამოადგეთ ინფორმაცია იმის შესახებ, რომ აკუმულატორზე ცუდად მოქმედებს ავტომობილის ჩამქრალ მდგომარეობაში დიდი ხნით გაჩერება. ასეთ შემთხვევაში, აკუმულატორის ენერგია შეიძლება რამდენიმე კვირაში სრულიად გაიხარჯოს. 

ყურადღებით იყავით, არ დაგრჩეთ ჩართული ელექტრო მოწყობილობები (სალონის განათება, უკანა მინის გათბობა, მულტიმედიური სისტემები). განსაკუთრებით ბავშვებს უყვართ ხოლმე განათებასთან თამაში. დიდი სიფრთხილე გმართებთ, როდესაც საღამოს სახლში ბრუნდებით, გამორთეთ ყველა მოწყობილობა. მთელი ღამის დატვირთვას თქვენი აკუმულატორი დიდი ალბათობით ვერ გაუძლებს და მისი სერვისი ან საერთოდაც შეცვლა მოგიწევთ.

რაც უნდა ერთგულად გემსახურებოდეთ თქვენი მანქანა, იცოდეთ, რომ ავტომობილის ასაკთან ერთად პრობლემებიც იმატებს, ძველი ავტომობილი უფრო სწრაფად განმუხტავს აკუმულატორს ელექტრო ქსელის და მომხმარებელთა გაუმართაობის გამო. 

მოკლედ რომ შევაჯამოთ, დასკვნა სულ ორ პუნქტად შეგვიძლია ჩამოვაყალიბოთ:

•    მთავარია აკუმულატორის სწორი ექსპლოატაცია 

•    აუცილებელია აკუმულატორის პერიოდულად შემოწმება

შემოწმებას რაც შეეხება, რადგან საკმაოდ სუსხიანი ზამთარი გვაქვს, რაც ჩვენი მანქანის გულისათვის არც ისე კარგი პერიოდია, ბოლოსკენ რამდენიმე რჩევასაც დავურთავ, სად შეიძლება მისი შემოწმება.

უფასო დიაგნოსტიკისათვის შეგიძლიათ "თეგეტას" მიაკითხოთ. იქვე აარჩევთ პრემიუმ ან ბიუჯეტურ ბრენდებს, რომელსაც რომ იცოდეთ, უსასრულო გარანტიით გვთავაზობენ. ეს კი იმას ნიშნავს, რომ ნებისმიერ დროს, ნებისმიერი დაზიანების შემთხვევაში თეგეტას ფილიალებში უსასყიდლოდ აღადგენენ აკუმულატორს ან ღირებულების 100%-მდე თანხას აგინაზღაურებენ. ჰოდა, თუ აკუმულატორის გამოცვლას გადაწყვეტთ, ძველი ნაწილის მოცილებაც თქვენი საფიქრალი არ იქნება, შეგიძლიათ თეგეტაში ჩააბაროთ, არც თავად შეწუხდებით, დამატებით ფასდაკლებითაც ისარგებლებთ და გარემოსაც დაიცავთ.