აშშ-ის პრეზიდენტი დონალდ ტრამპი პრეზიდენტობის მეორე ვადაში პირველად გაუგზავნის კიევს იარაღს დაგამოიყენებს საპრეზიდენტო უფლებამოსილებებს, რომლებსაც ხშირად იყენებდა მისი წინამორბედი ჯო ბაიდენი.
შეიარაღების ღირებულება სავრაუდოდ, 300 მილიონი დოლარი იქნება. ამის შესახებ Reuters წყაროზე დაყრდნობით იუწყება.
გამოცემა აღნიშნავს, რომ ეს ნაბიჯი მიუთითებს იმაზე, რომ ტრამპი დაინტერესებულია უკრაინა დაიცვას.
უკრაინაში შეჭრიდან სამ წელზე მეტი ხნის შემდეგ, ტრამპის გუნდი აშშ-ის მარაგიდან იმ იარაღს გამოყოფს, რომელიც უკრაინაში პრეზიდენტის უფლებამოსილების ფარგლებში გაიგზავნება, განაცხადეს წყაროებმა, რომელთაგან ერთ-ერთმა თქვა, რომ ღირებულება შეიძლება დაახლოებით 300 მილიონი დოლარი იყოს.
სამშაბათს ტრამპმა განაცხადა, რომ შეერთებული შტატები უკრაინას მეტ იარაღს გაუგზავნის, რათა ქვეყანას დაეხმაროს თავი დაიცვას რუსეთის მზარდი ზეწოლისგან.
წყაროების თქმით, პაკეტში შესაძლოა შევიდეს Patriot-ის ტიპის რაკეტები და საშუალო რადიუსის რაკეტები, თუმცა კონკრეტულ იარაღთან დაკავშირებით გადაწყვეტილება ჯერ არ არის მიღებული.
