შვეიცარიამ საქართველოს კოვიდპასპორტი აღიარა. ამის შესახებ ინფორმაციას საქართველოში შვეიცარიის საელჩო ავრცელებს.
"მოხარული ვართ გაცნობოთ, რომ შვეიცარიამ საქართველოს კოვიდპასპორტები აღიარა", - წერს საელჩო.
შვეიცარიის ჯანდაცვის ფედერალური დეპარტამენტის ინფორმაციით, შვეიცარიაში ჩასვლისას, კოვიდპასპორტთან ერთად, კვლავ სავალდებულოა კორონავირუსზე ტესტის ჩატარება.
ამ დროისთვის, შვეიცარია ევროკავშირის ქვეყნებისა და კიდევ 28 ქვეყნის, მათ შორის საქართველოს, კოვიდპასპორტებს აღიარებს.
საქართველოს მიერ გაცემული კოვიდპასპორტი ევროკავშირმა გასული წლის ნოემბერში აღიარა.