მთავრობის საპარლამენტო მდივნის გია ხუროშვილის განცხადებით, ქუთაისში არც ერთი სამინისტრო არ გადავა.
როგორც ხუროშვილმა პრეზიდენტის დღევანდელ განცხადებაზე კომენტირებისას განმარტა, საუბარია, ქუთაისში მხოლოდ მთავრობის სახლის აშენებაზე, სადაც მინისტრთა კაბინეტის გასვლითი სხდომები ჩატარდება.
"კონკრეტულად რომელიმე უწყების ქუთაისში გადასვლის შესახებ გადაწყვეტილება არ არსებობს. ამ ეტაპზე ამაზე საუბარი არ ყოფილა. განიხილება იქ მთავრობისთვის სპეციალური შენობის გამოყოფა, რათა მთავრობას გასვლითი სხდომების ჩატარება ღია ცის ქვეშ არ მოუწიოს", - განუცხადა ხუროშვილმა ჟურნალისტებს.
შეგახსენებთ, რომ პრეზიდენტმა მიხეილ სააკაშვილმა დღეს ქუთაისში მთავრობის სახლის მშენებლობას ჩაუყარა საფუძველი.
