არის ერთადერთი გზა - ხალხმა უნდა გააღოს ამ ციხის კარები, ხალხი უნდა გამოვიდეს, ხალხმა უნდა აიძულოს ხელისუფლება, რომ მიხეილ სააკაშვილს ჰქონდეს სათანადო სამედიცინო დახმარება, გადაყვანილი იყოს იმ კლინიკაში, სადაც უნდა იყოს გადაყვანილი, - ამის შესახებ "ნაციონალური მოძრაობის" წევრმა, ნუგზარ წიკლაურმა ტელეკომპანია "პირველის" ეთერში განაცხადა.
მისი თქმით, ხელისუფლება ვერ აცნობიერებს საქართველოში არსებულ მღელვარების მასშტაბს.
"მე მგონია, რომ მთავრობა ვერ აცნობიერებს იმ მასშტაბს აღშფოთების, რომელიც ახლა არის ჩვენს ხალხში და ეს არ არის მხოლოდ ნაციონალური მოძრაობის მხარდამჭერები. რაღაცა ერთი დიდი მითოლოგემა არის ეხლა, მიხეილ სააკაშვილის სიკვდილთან ბრძოლა, თავისუფლებისათვის ბრძოლა და მეორეს მხრივ, ხელისუფლება, რომელსაც შეუძლია, თქვას, რომ იცით რა ყველას აქვს თვითმკვლელობის მოხდა, რა მოხდა თუ დაიხოცებით. აი, 41-ე დღეს ჩვენ გავიცინებთ. აი, ერთ მხარეს არის ეს ცინიზმი, რომელიც ხელისუფლების მხრიდან მოდის, ადამიანის სიკვდილისათვის მზადყოფნა, რაც საქართველოს ყველა მოქალაქემ უნდა გაითავისოს, რომ მასაც ეხება, არამხოლოდ მიხეილ სააკაშვილს ეხება. მეორე მხარეს არის მართლაც ჰეროიკული ბრძოლა ამ კაცის. ამიტომ იმ პირობებში, როდესაც ისინი აღარ უსმენენ არც სახალხო დამცველს, ისინი აღარ უსმენენ არც ამომრჩეველს, რომელიც მიდის საარჩევნო ყუთთან და ხმას აძლევს ამა თუ იმ პარტიას, ისინი აღარ უსმენენ არც ჟურნალისტებს, არც არასამთავრობო ორგანიზაციებს.
რჩება ერთადერთი გზა, ეს არის მასობრივი გამოსვლების, მასობრივი აქციების გზა. და მხოლოდ ნაციონალური მოძრაობის მხარდამჭერები არ იქნებიან. ხალხმა უნდა იცოდეს, რომ ჩვენ მეტნი ვართ ამ ქვეყანაში. ამ არჩევნებმა დაგვანახა, რომ თავისუფლების მოყვარე ხალხი ამ ქვეყანაში არის უფრო მეტი, ვიდრე აი, ეს ადამიანები, რომლებიც პუტინს ასე ანგარიშს უწევენ", - თქვა წიკლაურმა.
