ახალი ტალღების მოლოდინი რა თქმა უნდა, არამხოლოდ ჩვენ, ზოგადად გლობალურად, ყველა ქვეყანას აქვს, - ასე უპასუხა ჯანდაცვის მინისტრის პირველმა მოადგილემ, თამარ გაბუნიამ მეხუთე ტალღის დაწყებასთან დაკავშირებულ შეკითხვას.
"ახალი ტალღების მოლოდინი რა თქმა უნდა, არამხოლოდ ჩვენ, ზოგადად გლობალურად, ყველა ქვეყანას აქვს, რაც შესაძლოა უკავშირდებოდეს განსხვავებული შტამების გამოჩენას, ასევე, არასაკმარისად იმუნური ფენის ჩამოყალიბებას ქვეყანაში და რეგულაციების უგულებელყოფას. ეს არის ის მიზეზები, რამაც შეიძლება ახალი ტალღა გამოიწვიოს.
პირველი, რაც ჩვენ უნდა გავაკეთოთ, რომ ვეცადოთ თავიდან ავიცილოთ ახალი ტალღის გავრცელება ისეთი სისწრაფით, რაც გასული მეოთხე ტალღის პერიოდში გვქონდა და აქ კრიტიკული იქნება ისევ რეგულაციების დაცვა, პირბადე და სოციალური დისტანცირება. სწრაფი ვაქცინაცია არის ძალიან მნიშვნელოვანი, რადგან ამ პირობებში არავაქცინირებული ადამიანი გახდება პირველი და ძალიან ძლიერი დარტყმის პირველი სამიზნე", - თქვა გაბუნიამ.
