ალერგოლოგ-იმუნოლოგი ბიძინა კულუმბეგოვი აცხადებს, რომ საქართველოში კოვიდპანდემიის მართვასთან დაკავშირებით კითხვის ნიშნები არსებობს.
"არ ვიცი, პანდემიის რა ტიპის მართვასთან გვაქვს საქმე. კითხვის ნიშნები არსებობს და პასუხები არ გაგვაჩნია. არის სრულიად ასინქრონული, არასისტემური მართვის პრინციპი. რაღაც ეტაპზე ერთს ვიყენებდით, შემდეგ მეორეზე გადავედით, სადღაც დერეგულაცია მოხდა, ჯარიმები ყველას ჩამოვაწერეთ, თითქოს დამთავრდა პანდემია. იმას ვიმკით ახლა რასაც ვიმსახურებთ”,-განაცხადა "დღის კურიერში" კულუმბეგოვმა.
კულუმბეგოვის თქმით, კოვიდპანდემიასთან ბრძოლაში სომხეთი და აზერბაიჯანი მისაბაძი ქვეყნებია.
"მე ვემხრობი, რასაც ჩვენი სამხრეთის მეზობლები, სომხეთი და აზერბაიჯანი აკეთებენ. ჩემთვის სამაგალითოა აზერბაიჯანი, ვაქცინაციის მაქსიმალური პროცენტული მოცვა და ჯერ კიდევ ზომიერი, არადრაკონული შეზღუდვების შენარჩუნება. ამიტომ ამ ქვეყნებში, 200 და სამასი შემთხვევაა დღეში, სულ რამოდენიმე ადამიანის გარდაცვალება ყოველდღიურად. ჩვენ ბუნებრივია ვირუსს ვერ გავანულებთ, გამორიცხულია, მაგრამ გეგმაზომიერი დერეგულაცია, პროპორციულად ვაქცინაციის პროცენტის გაზრდის”, განაცხადა "დღის კურიერში" ბიძინა კულუმბეგოვმა.
მისივე განმარტებით, ვაქცინაციის პროცესი დაგვინდა და ვირუსთან ქვეყანა ხელშიშველი, მოსახლეობის თვითშეგნების იმედად დარჩა.
