საქართველოს პარლამენტის თავმჯდომარე ევროსაბჭოს წევრი ქვეყნების პარლამენტის თავმჯდომარეთა კონფერენციის ერთ-ერთი მთავარი სპიკერი იქნება,- აცხადებს ევროპის საბჭოს საპარლამენტო ასამბლეის პრეზიდენტი. მისი განმარტებით, სექტემბერში ევროსაბჭოს წევრი ქვეყნების პარლამენტის თავმჯდომარეების კონფერენცია გაიმართება.
„ჩვენ გვექნება სპიკერების კონფერენცია, პარლამენტის სპიკერები შეიკრიბებიან ერთად, თქვენმა პარლამენტის თავმჯდომარემ დაგვიდასტურა, რომ ის დაესწრება კონფერენციას და ერთ-ერთი მთავარი სპიკერი იქნება“, – განაცხადა რიკ დემსმა.