"საქართველოში ამ ნივთიერების აღმოჩენის მხოლოდ ერთი ფაქტი დაფიქსირდა - გასული წლის მარტში და ეს ინფორმაცია პრეზიდენტმა სააკაშვილმა აშშ-ში გამართულ ბირთვული უსაფრთხოების სამიტზეც გააჟღერა, მაგრამ ის, რომ გამდიდრებული ურანი საქართველოში მარტივად მოპოვებადია, არ დასტურდება", - განუცხადა კალანდაძემ ჟურნალისტებს და ამით გაზეთ "გარდიანში" გამოქვეყნებულ იმ სტატიას გამოეხმაურა.

სტატიაში საუბარია, რომ პოსტსაბჭოთა ქვეყნებში, მათ შორის საქართველოში, შავ ბაზარზე გამდიდრებული ურანით ვაჭრობის ფაქტები ფიქსირდება.

რაც შეეხება "გარდიანის" მტკიცებას იმის თაობაზე, რომ ერევანი-თბილისის სარკინიგზო რეისით საქართველოში გამდიდრებული ურანის შემოტანა მოხდა და ფაქტზე სომხეთის მოქალაქეები დააკავეს, კალანდაძის განმარტებით, ამის თაობაზე საგარეო უწყება ინფორმაციას არ ფლობს.

შეგახსენებთ, რომ ბრიტანული გამოცემა "გარდიანი" საქართველოში ბირთვული მასალის აღმოჩენის შესახებ ექსკლუზიურ მასალას აქვეყნებს.