ტურიზმის ეროვნული ადმინისტრაციის ინფორმაციით, 2021 წლის ივნისში საერთაშორისო ვიზიტები (ტურისტები და ერთდღიანი ვიზიტორები) წლიურად 286.8%-ით გაიზარდა და 146.7 ათასი ვიზიტორი შეადგინა, რაც 2019 წლის ივნისის მონაცემის მხოლოდ 20.2%-ია.
ეს ზრდა ძირითადად ტურისტების რაოდენობის ზრდამ (+361.6% წ/წ) განაპირობა გასული წლის დაბალი ბაზიდან. ჯამურად, 2021 წლის პირველ ნახევარში ქვეყანაში 464.1 ათასი (-62.2% წ/წ და -85.6% 2019 წლის პირველ ნახევართან) საერთაშორისო ვიზიტორი შემოვიდა, საიდანაც ტურისტულმა ვიზიტებმა 422.4 ათასი (-50.2% წ/წ) შეადგინა. ამავე პერიოდში, ჩვენი შეფასებით, ტურიზმიდან მიღებული შემოსავლები 293.6 მლნ აშშ დოლარს გაუტოლდა (-35.7% წ/წ და -79.8% 2019 წლის პირველ ნახევართან).
