ტურიზმის სრულფასოვანი და დროული გახსნა უსაფრთხოების სისტემური ზომებით, სწორი გადაწყვეტილება და პრემიერ მინისტრის ძლიერი გზავნილია როგორც საჯარო, ასევე კერძო სექტორისთვის, - აცხადებს პარლამენტის თავმჯდომარის მოადგილე არჩილ თალაკვაძე.
მისი განმარტებით, პოზიტიურია ფინანსთა სამინისტროს ნაბიჯები ბიზნესთან მიმართებაში, რომელმაც ეკონომიკის აღდგენის პროცესში საგადასახადო სფეროში შემხვედრი ნაბიჯები დააანონსა.
"ვაქცინებზე წვდომის გაზრდა და საზოგადოებრივი ჯანდაცვის სისტემის მხრიდან პროცესის გააქტიურება პირდაპირ აისახება ეპიდვითარებაზე და ეკონომიკურ აქტივობაზე, რაც თავის მხრივ ქმნის პოზიტიურ მოლოდინებს", - აცხადებს არჩილ თალაკვაძე.
