მიმდინარე წლის მაისიდან პოლონეთის მთავრობამ ქვეყანაში დაწესებული შეზღუდვების ეტაპობრივი მოხსნა დაიწყო.
ქვემოთ წარმოგიდგენთ შეზღუდვების შემსუბუქების დეტალურ გეგმას:
🔹 1 მაისიდან გაიხსნა სილამაზის სალონები;
🔹 4 მაისიდან გაიხსნა მუზეუმები, სავაჭრო ცენტრები და სტაციონარული სწავლება განახლდა I-III კლასებში;
🔹 8 მაისიდან გაიხსნება სასტუმროები (მაქსიმუმ 50%-იანი დატვირთვით);
🔹 15 მაისიდან
მოიხსნება ღია სივრცეში პირბადის ტარების აუცილებლობა (თუ ინფიცირების მაჩვენებელი ყოველ 100 ათას მოსახლეზე შემცირდება 15-მდე);
გაიხსნება გასტრონომიული ობიექტების გარეთა სივრცეები (ტერასები);
ღია ცის ქვეშ არსებული კინოთეატრები (მაქსიმუმ 50% დატვირთვით);
ჰიბრიდული სწავლება IV-VIII კლასებში;
ღია ცის ქვეშ არსებულ სპორტულ ობიექტებში ნებადართული იქნება სივრცის მაქსიმუმ 2% დაკავება;
🔹 29 მაისიდან
გაიხსნება რესტორნები (მაქსიმუმ 50%-იანი დატვირთვით);
გაიხსნება კინოები და თეატრები (მაქსიმუმ 50%-იანი დატვირთვით);
გაიხსნება ფიტნეს კლუბები და სოლარიუმები;
ყველა მოსწავლე დაუბრუნდება სტაციონარული სწავლების რეჟიმს.