საპარლამენტო უმრავლესობის წევრი, შალვა პაპუაშვილი ეხმიანება ნიკა მელიას ადვოკატის გიორგის კონდახიშვილის განცხადებას, რომ გირაოს გადახდაზე მელიას თანხმობა არ არის საჭირო.
"გირაო უნდა, მაგრამ ვერ ამბობს. ასეა, როცა თამასას ისეთ სიმაღლეზე წევ, რომელსაც ვერ აიღებ. არ ყოფნის გამბედაობა არც ქვეყნისთვის, არც საკუთარი თავისთვის. დაიმთავრა თავი როგორც პოლიტიკოსმა. ასე წარმავალია ამქვეყნიური დიდება", - დაწერა შალვა პაპუაშვილმა სოციალურ ქსელში.
შეგახსენებთ, გიორგი კონდახიშვილმა მისი დაცვის ქვეშ მყოფთან შეხვედრის შემდეგ განაცხადა, რომ ნიკა მელიას გათავისუფლების გასაღები ხელისუფლების ხელშია და გირაოს გადახდაზე მელიას თანხმობა საჭირო არ არის.
