ლეიბორისტული პარტიის ლიდერი შალვა ნათელაშვილი საქართველოს ყოფილი პრემიერ-მინისტრის გიორგი გახარიას პოლიტიკაში დაბრუნებას კრემლისა და ვლადიმერ პუტინის სათადარიგო ვარიანტად განიხილავს.
"რაც შეეხება ბატონ გახარიას, ეს არაა გახარიას დაბრუნება და მისი ინიციატივა, ამუშავდა კრემლის და ვლადიმერ პუტინის სათადარიგო ვარიანტი, რაღაც თუ შეიძლება დაემართოს ივანიშვილის პოლიტიკურ ხროვას, ჩაანაცვლონ სარეზერვო ვარიანტებით. ასეთი სარეზერვო ვარიანტები რუსეთს ჰყავდა ასლან აბაშიძეები, გიორგაძეები და ამ შემთხვევაში აამოქმედეს საგარეო დაზვერვის ოფიცერი, რომელიც მათი თანაშრომელია გახარიას სახით, რომელიც ივანიშვილის ბიზნესს მართავდა რუსეთის ფედერაციაში წლების განმავლობაში, ხოლო ამ საქმიანობას ის ვერ გასწევდა სპეცსამსახურთა მფარველობისა და კურატორობის გარეშე. საქართველო უცნაურობათა ქვეყანაა, ესაა ქვეყანა, სადაც შეიძლება შევარდნაძე ერის მოღალატედ გამოაცხადონ და მერე დაუჩოქონ, რომ ის ხელისუფლებაში დარჩეს. საქართველო ქვეყანაა, რომელსაც შეუძლია, შევარდნაძის წინაშე დაჩოქების შემდეგ ის დაამხოს და კერპად მიხეილ სააკაშვილი აირჩიოს. საქართველო არის ქვეყანა, რომელსაც შეუძლია, უგვირგვინო მეფედ გამოაცხადოს ისეთი სივერაგე საკაცობრიო მასშტაბისა, როგორიცაა ივანიშვილი. საქართველო არის ქვეყანა, სადაც თავისუფლად შეიძლება პოლიტიკურ საქმიანობას ეწეოდეს რეგიონალური სეპარატისტი ასლან აბაშიძე. საქართველო არის ქვეყანა, სადაც ყველა ნაძირალა შეიძლება აირჩიონ პოლიტიკაში", - აღნიშნავს ნათელაშვილი.
მისივე თქმით, თანხები, რომელიც გათვლილია საქართველოს დასამონებლად რუსეთის სპეცსამსახურთა ბიუჯეტიდან, წამოვა გახარიას გუნდთან.
"თუ გავითვალისწინებთ, რომ გახარია არის რუსეთის საგარეო დაზვერვის სარეზერვო ვარიანტი, რა თქმა უნდა, ის აკუმულირებული თანხები, რომელიც გათვლილია საქართველოს დასამონებლად რუსეთის სპეცსამსახურთა ბიუჯეტიდან, წამოვა ამ ჯგუფზე. ეს ჯგუფი, ბუნებრივია, ამ ფულით დაიწყებს დაყიდული ხალხის გადმოყიდვას თავის ჯგუფში", - აცხადება შალვა ნათელაშვილი
