თურქული მედიის ინფორმაციით, სტამბოლში საქართველოსა და რუსეთის წარმომადგენლებს შორის ავნი აკიოლას ბულვარზე კრიმინალური დაპირისპირება მოხდა.
გავრცელებული ინფორმაციის თანახმად, 31 მარტს ადგილობრივი დროით, დაახლოებით 17:30 სტამბოლის ბეშიქთაშის რაიონში ერთ-ერთ რესტორანთან მამაკაცებს შორის შეიარაღებული დაპირისპირება მოხდა. როგორც ადგილობრივი მედია წერს, კონფლიქტი ქართველ და ჩეჩენ კრიმინალებს შორის წარმოიშვა.
შეიარაღებული დაპირისპირების შედეგად რუსეთის 2 მოქალაქე გარდაიცვალა, ხოლო სასიკვდილოდ დაიჭრა საქართველოს მოქალაქე რ.რ. რომელიც საავადმყოფოში გარდაიცვალა. დაჭრილია ასევე სირიის მოქალაქე, რომელიც ქართველებთან ერთად იყო.
სტამბოლის პოლიციის თანამშრომლებმა პიროვნებების ამოცნობა განახორციელეს, რის შემდეგაც დააკავეს 3 ემიგრანტი ჩეჩნეთიდან და განაგრძობენ კიდევ საქართველოს 2 მოქალაქის ძებნას, რომლებიც კონფლიქტში მონაწილეობდნენ.
"ჯი-ეიჩ-ენი" ფაქტის გადამოწმების მიზნით, საქართველოს საგარეო საქმეთა სამინისტროს დაუკავშირდა. უწყების ინფორმაციით, ამ დროისთვის არსებული მონაცემებით, დაშავებულთა ან გარდაცვლილთა შორის საქართველოს მოქალაქეები არ არიან.
