საგარეო საქმეთა მინისტრის მოადგილე უკვე თითქმის კვირაა ინდოეთში იმყოფება და ვაქცინების ერთ-ერთ დიდი მწარმოებელთან მოლაპარაკებებს აწარმოებს.
„ინდოეთი გარკვეულწილად მკაცრად არეგულირებს ქვეყნიდან ვაქცინების გამოტანას. სწორედ ამიტომ არის საჭირო მაღალი დონის ვიზიტი და ყველანაირი დიპლომატიური არხი არის გამოყენებული იმისთვის, რომ ჩვენ დროულად მოვახერხოთ ინდოეთიდან ვაქცინების იმპორტი ჩვენი მიზნებისთვის. თავდაპირველად საუბარია შედარებით მცირე რაოდენობაზე, თუმცა „ნოვავაქსის“ მიმართულებით ჩვენ მილიონ დოზაზე გამოვხატეთ ინტერესი და ნოვავაქსის“ მოლოდინი გვაქვს ასევე კოვაქსის პლატფორმიდან“,- ამის შესახებ საკოორდინაციო საბჭოს სხდომის დასრულების შემდეგ გამართულ ბრიფინგზე ჯანდაცვის მინისტრის მოადგილემ, თამარ გაბუნიამ განაცხადა.