შვეიცარიის ელჩი პატრიკ ფრანცენი საქართველოს საინვესტიციო გარემოს 10-დან 6 ქულით აფასებს. როგორც BMG-სთან ინტერვიუში დიპლომატმა აღნიშნა, საქართველოს მთავრობამ კარგად იცის, რა საჭიროებებიც აქვს ქვეყანას საინვესტიციო გარემოს გასაუმჯობესებლად.
„საქართველოს სჭირდება პოლიტიკური სტაბილურობა და ფუნქციური დემოკრატიული ინსტიტუტები, სტაბილური კავშირები მეზობელ ქვეყნებთან, კანონის უზენაესობის პატივისცემა, განსაკუთრებით კომპეტენტური და მიუკერძოებელი სასამართლო სისტემა, კორუფციის წინააღმდეგ ბრძოლის კუთხით მიღწევების შენარჩუნება, ღია ბაზარზე ორიენტაციის შენარჩუნება, რეფორმების განხორციელება განათლების სისტემაში, განსაკურებით, პროფესიული განათლების გაუმჯობესება და სექტორული რეფორმების გაგრძელება“, - განაცხადა ელჩმა.