აშშ-ის სახელმწიფო მდივანმა მაიკ პომპეომ ბოლო წუთს გააუქმა ევროპაში ვიზიტი მას შემდეგ, რაც ლუქსემბურგის საგარეო საქმეთა მინისტრმა, ჟან ასელბორნმა და ევროკავშირის მაღალჩინოსნებმა უარი განაცხადეს მასთან შეხვედრაზე. იტყობინება Reuters-ი.
ლუქსემბურგის საგარეო საქმეთა მინისტრმა დაადასტურა ინფორმაცია შეხვედრის გაუქმების შესახებ, თუმცა დამატებითი დეტალების გამჟღავნებაზე უარი განაცხადა. ევროკავშირმა უარი თქვა კომენტარის გაკეთებაზე.
მაიკ პომპეოს ვიზიტის გაუქმება შესაძლოა დაკავშირებული იყოს ვაშინგტონში განვითარებულ მოვლენებთან, კერძოდ, კაპიტოლიუმზე თავდასხმასთან, რამაც ევროპელი ლიდერების და ნატო-ს ხელმძღვანელობის განცვიფრება გამოიწვია.
მედიის ცნობით, ვაშინგტონში მომხდარი არეულობების შემდეგ, ლუქსემბურგის საგარეო საქმეთა მინისტრმა აშშ-ის ამჟამინდელ პრეზიდენტს დონალდ ტრამპს "კრიმინალი".
მაიკ პომპეოს დაგეგმილი ვიზიტების გაუქმების შესახებ თავდაპირველად თავად ამერიკის სახელმწიფო დეპარტამენტმა გაავრცელა.
მაიკ პომპეო ბრიუსელს 13-14 იანვარს უნდა წვეოდა. სახელმწიფო დეპარტამენტი იუწყებოდა, რომ პომპეოს ვიზიტის მიზანს წარმოადგენდა აშშ-სა და ბელგიას შორის ღრმა და მტკიცე პარტნიორობის, ასევე აშშ-ის ნატოსადმი ურყევი მხარდაჭერის დადასტურება. იგეგმებოდა მაიკ პომპეპოს შეხვედრა ლუქსემბურგის საგარეო საქმეთა მინისტრთანაც.
