საბერძნეთში ძარცვისთვის ქართველთა ჯგუფი დააკავეს. ინფორმაციას ბერძნულ მედია ავრცელებს.
ქართველების ჯგუფი ქვეყნის სხვადასხვა ნაწილში, მრავალჯერად ძარცვაშია ეჭვმიტანილი. მათ სულ მცირე 24 ძარცვა მოაწყვეს.
ბერძენმა სამართალდამცებმა ქართველების ჯგუფი 4 დეკემბერს დააკავეს და მათგან ძვირფასეულობა, ნაღდი ფული, მობილური ტელეფონები და საბანკო ბარათები ამოიღეს.
გავრცელებული ინფორმაციით, სამართალდამრღვევები ქუთაისისა და კასპის მკვიდრები არიან.
