საქართველოს ჯანდაცვის მინისტრის მოადგილის, თამარ გაბუნიას განცხადებით საქართველოში იმის პრობლემა არ დგას, რომ მძიმე პაციენტები კლინიკაში ვერ მოხვდნენ.
მისი თქმით, კლინიკები მაქსიმალური დატვირთვით მუშაობენ.
"ქვეყნის მასშტაბით თავისუფალი საწოლების რაოდენობა არის 538. აქედან ყველაზე მეტად დატვირთულია, რა თქმა უნდა, ისევ თბილისის საწოლფონდი. ამდენად, პაციენტების ნაკადების მართვა მარტივი არ არის, მაგრამ არც იმის პრობლემა არ არის, რომ მძიმე პაციენტი კლინიკაში მოხვდეს, ნამდვილად არა. კლინიკები მუშაობენ მაქსიმალური დატვირთვით", - განაცხადა გაბუნიამ.
შეგახსენებთ, ბოლო 24 საათში საქართველოში კორონავირუსით ინფიცირების 4 260 ახალი შემთხვევა გამოვლინდა.
დღეს დილის ინფორმაციით, ინფიცირების მიმდინარე აქტიური შემთხვევა არის 21 655. მათ შორის, 6 561 ადამიანი მკურნალობს საავადმყოფოში, მათ შორის, თბილისის საავადმყოფოებში-2 843.