წინასწარი შეფასებით, 2020 წლის ოქტომბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 3.9 პროცენტი შეადგინა, ხოლო 2020 წლის პირველი ათი თვის საშუალო მაჩვენებელი -5.1 პროცენტია.
2020 წლის ოქტომბერში, წინა წლის შესაბამის პერიოდთან შედარებით კლება დაფიქსირდა თითქმის ყველა სექტორში, საფინანსო და სადაზღვევო საქმიანობების გარდა.
"2020 წლის ოქტომბერში, გასული წლის შესაბამის პერიოდთან შედარებით საქართველოს ეკონომიკა შემცირდა 3.9 პროცენტით. შესაბამისად, 2020 წლის 10 თვის ვარდნის საშუალო მაჩვენებელი გახლავთ -5.1 პროცენტი. კლების ტენდენცია გამოვლინდა თითქმის ყველა სფეროში, საფინანსო საქმიანობის სექტორის გარდა, სადაც ზრდის ტენდენცია შეინიშნებოდა, განსაკუთრებით აღსანიშნავია დღგ-ს გადახდა, საწარმოთა ბრუნვის მოცულობის შემცირება, ტრანსპორტის, სასტუმროებისა და რესტორნების, გართობის, დასვენების, დამამუშავებელი მრეწველობის და მშენებლობის სექტორებში", - განაცხადა საქსტატის აღმასრულებელმა დირექტორმა გოგიტა თოდრაძემ.
