დიღმის მასივში „საქართველოს ბანკის“ ფილიალი დააყაჩაღეს. ინფორმაციას "საქართველოს პირველ არხი" ავრცელებს.
გავრცელებული ცნობით, "საქართველოს ბანკის" ექსპრესფილიალში შეიარაღებული, ნიღბიანი კაცი შეიჭრა და თანხა გაიტაცა. თანხის ოდენობა ჯერჯერობით უცნობია. ადგილზე მუშაობენ ექსპერტ-კრიმინალისტები.
შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 179-ე მუხლის მესამე ნაწილის „გ“ ქვეპუნქტით (ყაჩაღობა ჩადენილი დიდი ოდენობით ნივთის დაუფლების მიზნით) დაიწყო.