რეალურად, ყოველდღიურად კორონავირუსის 8-დან 10 ათასამდე შემთხვევა გვაქვს. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ სოფო ზურაბიანის გადაცემა პოლიტიკის ფორმულაში განაცხადა.
"ჩვენ დღეს თუ გვაქვს ყოველდღიურად 3-დან 4 ათასამდე დადასტურებული შემთხვევა, ლაბორატორიულად დადასტურებული, სინამდვილეში ეს შემთხვევები არის სამჯერ მეტი. რეალურად გვაქვს დაახლოებით 8-დან 10 ათასამდე შემთხვევა. ეს ყოველთვის ასეა ყველა დაავადებასთან მიმართებაში. ერთია რასაც სისტემა იჭერს და არეგისტრირებს. მაგალითად, ინფექციებს რომ თავი დავანებოთ, დიაბეტით ჩვენთან რეგისტრირებულია 110 000 ადამიანი, მაგრამ საერთაშორისო ე.წ. შეფასებითი მაჩვენებლით, ჩვენთან არის დაახლოებით 250 ათასი ადამიანი დიაბეტით", - თქვა ამირან გამყრელიძემ.