ფრანგ მასწავლებელს, 47 წლის სამულე პატს, რომელსაც გასულ კვირას სავარაუდო ისლამისტმა თავი მოჰკვეთა, სიკვდილის შემდეგ საფრანგეთის რესპუბლიკის უმაღლესი ჯილდო, საპატიო ლეგიონის ორდენი გადაეცემა.
საფრანგეთის პროკურატურის ინფორმაციით, სასტიკი დანაშაული 18 წლის ჩეჩენმა ჩაიდინა, რომელიც მოსკოვში დაიბადა და რამდენიმე წლის წინ ოჯახთან ერთად, საფრანგეთში თავშესაფარი მიიღო.
თავდამსხმელი პოლიციამ სპეცოპერაციისას მოკლა.
47 წლის მსხვერპლი სამუელ პატი. მუშაობდა ისტორიისა და გეოგრაფიის მასწავლებლად პარიზის კონფლან-სენ-ონორინის გარეუბნის კოლეჯში.
სიტყვის თავისუფლების შესახებ გაკვეთილზე, მან თავის მოსწავლეებს აჩვენა წინასწარმეტყველ მუჰამედის კარიკატურები, რომელიც გამოქვეყნდა სატირული გამოცემის Charlie Hebdo-ს მიერ.
სააგენტო AFP-ის ცნობით, ამის შემდეგ, მასწავლებელმა რამდენიმე მოსწავლის მშობლისგან მუქარა მიიღო. მუქარების შესახებ მასწავლებელმა სკოლის ადმინისტრაციას და პოლიციას შეატყობინა.
მოწმეები ირწმუნებიან, რომ სამზარეულოს დანით შეიარაღებული თავდამსხმელი ყვიროდა "ალაჰ აქბარ!
მკვლელობის საქმეზე საფრანგეთის პოლიციამ 9 ადამიანი დააკავა. დაკავებულთა ნაწილი მკვლელის ნათესავია, მათ შორის ერთი არასრულწლოვანი.
ასევე დააკავეს იმ სკოლის მოსწავლეების მშობლები, სადაც მოკლული პედაგოგი მუშაობდა და უამრავი ადამიანი, რომლებიც არ არიან დაკავშირებული სავარაუდო ტერორისტის ოჯახთან.
ფოტო: Reuters