შეერთებული შტატების პრეზიდენტმა დონალდ ტრამპმა განაცხადა, რომ ის მომავალ კვირას დაასახელებს ქალს, რომელიც შეცვლის უზენაესი სასამართლოს მოსამართლე რუთ ბადერ გინსბურგს. იუწყება BBC-ი.
87 წლის გინსბურგი პარასკევს, საპრეზიდენტო არჩევნებამდე რამდენიმე კვირით ადრე გარდაიცვალა.
დონალდ ტრამპის მეტოქე, დემოკრატების საპრეზიდენტო კანდიდატი ჯო ბაიდენის თქმით, უზენაესი სასამართლოს მოსამართლეობის კანდიდატი არჩევნების შემდგომ, ახალმა პრეზიდენტმა უნდა წარადგინოს.
ტრამპი კი პირობას დებს, რომ გინსბურგის შემცვლელს დაუყოვნებლივ წარადგენს.
"მომავალ კვირას კანდიდატს წარვადგენ, ის იქნება ქალი, რადგან მე ქალები უფრო მომწონს, ვიდრე მამაკაცები", - ამის შესახებ განაცხადება დონალდ ტრამპმა, ჩრდილოეთ კაროლინაში, ფაიეტვილში წინასაარჩევნო კამპანიის ფარგლებში გააკეთა.
BBC-ის ცნობით, ახალ მოსამართლედ 3 კანდიდატი მოიაზრება:
ბარბარა ლაგოა - კუბური წარმოშობის ამერიკელი, ატლანტის მე-11 საოლქო სააპელაციო სასამართლოს მოსამართლე. ყოფილი ფედერალური პროკურორი. ის იყო პირველი ლათინოამერიკელი მოსამართლე ფლორიდას უზენაესი სასამართლოში.
ემი კონი ბარეტი - ჩიკაგოს მე-7 საოლქო სააპელაციო სასამართლოს წევრი.
ქით კომერფორდ ტოდი - თეთრი სახლის მრჩევლის მოადგილე.