პარტია "ლელოს" წევრმა ირაკლი კუპრაძემ აჭარაში "პატრიოტთა ალიანსის" საარჩევნო ბანერი ჩამოხია. ფაქტის ამსახველი ვიდეო კუპრაძემ სოციალურ ქსელში გაავრცელა.
საუბარია აჭარაში განთავსებულ „პატრიოტთა ალიანსის“ ბანერზე, სადაც საქართველოს ოკუპირებული რეგიონების მსგავსად, აჭარის ავტონომიური რესპუბლიკაც წითლად არის მონიშნული და წერია: "დაიცავი აჭარა! დაიცავი შენი წილი საქართველო!"
ქსენოფობიური ბანერის გამო სოციალურ ქსელში გამართულ დისკუსიას "პატრიოტთა ალიანსის" ლიდერი ირმა ინაშვილი გამოეხმაურა და განაცხადა, რომ "დიახ, აჭარა დასაცავია".
