გიორგი ვაშაძეს მისი პარტიის რეიტინგი პრემიერობის ამბიციების საშუალებას არ უნდა აძლევდეს. ამის შესახებ ერთიანი ნაციონალური მოძრაობის ერთ-ერთი ლიდერმა ხატია დეკანოიძემ "სტრატეგია აღმაშენებლის" დაფმუძნებლს, გიორგი ვაშაძის განცხადების პასუხად აღნიშნა.
გიორგი ვაშაძე ირწმუნება, რომ ის საპარლამენტო არჩევნების შემდეგ პროდასავლური კოალიციის პრემიერ-მინისტრობის კანდიდატი იქნება.
"მინდა, გიორგი ვაშაძეს ერთი რამ ვურჩიო - საკუთარი ამომრჩევლის ნების პატივისცემა ძალიან მნიშვნელოვანია. ვინ იქნება მთავრობაში, ეს არის ამომრჩევლის, და არა კონკრეტული პოლიტიკური ფიგურების გადასაწყვეტი. შესაბამისად, ასეთი განცხადებები კონტექსტიდან ამოვარდნილია. თუ ბოლო კვლევებს გადავხედავთ, გიორგის მისი პარტიის რეიტინგი ამის აფიშირების და ამბიციების საშუალებას არ უნდა აძლევდეს. მთავარია, ყველა პოლიტიკურმა ლიდერმა პატივი სცეს ამომრჩეველს. ვფიქრობ, ჩვენი ამომრჩევლის გადაწყვეტილების შემდეგ, ყველაფერი თავის ადგილას დადგება. ამიტომ მე ზედმეტადაც მიმაჩნია ახლა რაიმე სახის მთავრობაზე საუბარი", - განაცხადა დეკანოიძემ.
