დღეს 12 წელი სრულდება იმ დღიდან, როდესაც ჩვენმა ქვეყანამ უპასუხა საქართველოს პრეზიდენტის დანაშაულებრივ ქმედებას. უპასუხა არამზადების ქმედებას, რომლებმაც ბრძანება გასცეს ცეცხლი გაეხსნათ, - წერს რუსეთის ყოფილი პრეზიდენტი, დმიტრი მედვედევი Facebook-ში 2008 წლის აგვისტოში რუსეთის მხრიდან საქართველოზე თავდასხმის შესახებ.
"ფაქტობრივად, საუბარი იყო რუსეთისთვის ომის გამოცხადებაზე. სწორედ ამიტომ მაშინ მივიღე რთული, მაგრამ ერთადერთიგადაწყვეტილება - დამეცვა აფხაზეთი და სამხრეთ ოსეთი, ჯერ დამეცვა ისინი აგრესიისგან და შემდეგ მოქალაქეების თხოვნით, მეღიარებინა სრული დამოუკიდებლობა. წინააღმდეგ შემთხვევაში სამხრეთ კავკასია გადაიქცეოდა დენთის კასრად, რაც რუსეთისთვის, რომელიც ყოველთვის ემხრობოდა მეზობელ ქვეყნებში მშვიდობის შენარჩუნებას, იყო აბსოლუტურად მიუღებელი.
რუსეთი ყოველთვის გამოდიოდა და მომავალშიც გამოვა მშვიდობისა და სტაბილურობის დასაცავად მოსაზღვრე სახელმწიფოებში, ჩვენი ყოველი გადაწყვეტილება და მოქმედება ნაკარნახევია სწორედ ამ აბსოლუტურად გულწრფელი სურვილით. ამასთან, რუსეთი, და ეს მკაფიოდ უნდა გვესმოდეს, არასდროს დაუშვებს თავსასხმას ჩვენ მოქალაქეებზე, სადაც არ უნდა ხდებოდეს ეს. ჩვენი პასუხი ყოველთვის იქნება აბსოლუტურად ადეკვატური შექმნილი გარემოებების, სტაბილურობისა და უსაფრთხოების მიზნით, როგორც ჩვენ ქვეყანაში, ისე მთელ მსოფლიოში", - წერს მედვედევი.