საქართველოს კულტურული მემკვიდრეობის დაცვის ეროვნული სააგენტოს და „ქართუ“ ფონდის თანამშრომლობის საფუძველზე სამცხე-ჯავახეთის რეგიონში გრძელდება საკულტო ძეგლების კომპლექსური რეაბილიტაციის პროგრამა, რომელიც 2020 წლისთვის 30-მდე სარესტავრაციო პროექტს მოიცავს.
ბორჯომის სამუზეუმო ქალაქად ქცევის კონცეფციის ფარგლებში დაიწყო ისტორიული შენობის – კავალერიის კორპუსის კომპლექსური რეაბილიტაციის პროცესი.
განწმენდითი სამუშაოების დასრულების შემდეგ, 2020 წელს დაიწყება საკონსერვაციო – სარესტავრაციო პროცესი სოფელ თისელის მე-7 საუკუნის ღვთისმშობლის სახელობის დარბაზულ ეკლესიაზე, რომელიც ამ დრომდე სრულად იყო მიწაყრილით დაფარული. წლის ბოლომდე დასრულდება ამავე სოფლის წმინდა გიორგი სახელობის გუმბათიანი ტაძრის რესტავრაციაც, სადაც აღდგენითი სამუშაოები მე-3 წელია მიმდინარეობს. ამავდროულად, უკვე დაწყებულია სოფ. ბიეთის ყოვლადწმინდა ღვთისმშობლის ეკლესიის რეაბილიტაციაც
