სოციალური ქსელის Facebook-ის დამფუძნებელი და აღმასრულებელი დირექტორი, მარკ ზაკერბერგი აკრიტიკებს შეეერთებული შტატების პრეზიდენტის ადმინისტრაციის კორონავირუსის პანდემიაზე რეაგირებას.
"ამ ეტაპზე ნათელია, რომ აშშ-ში არსებული ვითრება მნიშვნელოვნად უარესია, ვიდრე სხვა მრავალ ქვეყანაში, და ჩვენი მთავრობა და ეს ადმინისტრაცია ნაკლებად ეფექტური აღმოჩნდა ამ საკითხის მოგვარებაში", - განაცხადა ზაკერბერგმა.
ზაკერბერგმა ტრამპის ადმინისტრაცია განსაკუთრებულად ალერგიისა და ინფექციური დაავადებების ეროვნული ინსტიტუტის დირექტორის, ენტონი ფაუჩის დისკრედიტაციისთვის გააკრიტიკა.
"ახლა, როდესაც ივლისია, ვფიქრობ, რომ ეპიდემიის თავიდა აცილება შესაძლებელი იყო. იმედგაცრუებული ვარ, რომ ჩვენ ჯერ კიდევ არ გვაქვს სათანადო ტესტირება, რომ ჩვენი საუკეთესო მეცნიერების სანდოობას ძირს უთხრიან და ბოლო მომენტამდე კითხვის ნიშნის ქვეშ დგებოდა პირბადის ტარების აუცილებლობა", - დასძინა მან.