დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალმა, ელისაბედ მეორემ რაინდად აკურთხა 100 წლის ბრიტანელი ვეტერანი, კაპიტანი ტომ მური.
კაპიტანმა მურმა სახელი იმით გაითქვა, რომ კორონავირუსის პანდემიის წინააღმდეგ მებრძოლი ჯანდაცვის სფეროში მომუშავე ადამიანებისთვის 33 მილიონი გირვანქა სტერლინგი მოაგროვა, როდესაც მან ამ მიზნით კამპანია წამოიწყო და 100-ჯერ შემოუარა თავის საცხოვრებელ სახლს გადაადგილების დამხმარე აღჭურვილობით.
რაინდად კურთხევის ცერემონიალი დედოფლის სამეფო რეზიდენციაში, უინძორის ციხე-სიმაგრის ეზოში გაიმართა.
სერ ტომ მურმა მიკრობლოგ ტვიტერზე დაწერა, რომ ამაყი და ბედნიერია რაინდად კურთხევის გამო.