ირანი მზადაა სომხეთსა და აზერბაიჯანს შორის დაძაბულობის შესამცირებლად შუამავლის მისია იტვირთოს. ამის შესახებ ირანის საგარეო საქმეთა სამინისტროს პრესსპიკერმა, სეიედ აბას მუსავმა განაცხადა.
მისი თქმით, სომხეთისა და აზერბაიჯანის საზღვარზე ვითარების დაძაბვის პირველივე წუთიდან ირანი ძალ-ღონეს არ იშურებს, რომ ხელი შეუწყოს სიტუაციის განმუხტვას, რადგან რეგიონში კიდევ ერთი კონფლიქტი დაუშვებელია.
ირანი ასევე მოუწოდებს მხარეებს, რომ თავი შეიკავონ სიტუაციის კიდევ უფრო მეტად დაძაბვისაგან.
მანამდე აზერბაიჯანსა და სომხეთს შორის დაძაბულობის შესამბუქუბელად შუამავლობის სურვილი რუსეთმა გამოთქვა.
