გაერთიანებული სამეფოს კიბერუსაფრთხოების ნაციონალურმა ცენტრმა განაცხადა, რომ გამოვლენილია რუსი ჰაკერების ჯგუფი, რომელიც ცდილობდა კორონავირუსის საცდელი ვაქცინის შესახებ ინფორმაციის მოპარვას.
მათი განცხადებით ჰაკერთა ჯგუფი მიზანმიმართულად ესხმოდნენ თავს იმ ორგანიზაციებს ბრიტანეთში, რომლებიც მონაწილეობას იღებენ კორონავირუსის საცდელი ვაქცინის შემუშავებაში.
კიბერუსაფრთხოების ცენტრის ინფორმაციით, ჰაკერთა ჯგუფი ცნობილია სახელით APT29, რომელსაც ასევე Dukes-ისა და Cozy Bear-ის სახელითაც იცნობენ. ისინი მოქმედებენ რუსეთის სადაზვერვო სამსახურების მმართველობის ქვეშ.
გაერთიანებული სამეფოს კიბერუსაფრთხოების ნაციონალური ცენტრის მოხსენება გაიზიარეს შეერთებული შტატებისა და კანადის სადაზვერვო სამსახურებმაც.
ლონდონი, ოტავა და ვაშინგტონი თვლიან, რომ ეს ჰაკერული ჯგუფები მიზნად ისახავენ მაღალი ღირებულების ინტელექტუალური საკუთრების მიტაცებას სამთავრობო უწყებებში, დიპლომატიურ სამსახურებში, კვლევით ცენტრებში, ჯანდაცვისა და ენერგეტიკის სფეროში.
კიბერუსაფრთხოების ცენტრი გმობს "ამ ამაზრზენ თავდასხმებს მათზე, ვინც ასრულებს სასიცოცხლო მნიშვნელობის სამუშაოს კორონავირუსის პანდემიის წინააღმდეგ საბრძოლველად".
აღნიშნულ მოხსენებას გამოეხმაურა დიდი ბრიტანეთს საგარეო საქმეთა მდივანი, დომინიკ რააბი, რომელმაც განაცხადა, რომ ბრიტანეთი, მოკავშირეებთ ერთად, პასუხს აგებინებს მათ, ვინ ამ კიბერთავდასხმების უკან დგას.
"აბსტოლუტურად მიუღებელია რუსული სპეცსამსახურების მოქმედებები მათ წინააღმდეგ, რომლებიც კორონავირუსის პანდემიის წინააღმდეგ იბრძვიან", - დასძინა რააბმა.
რუსეთი ტრადიციულად უარყოფს ბრალდებებს.