ზუგდიდში ახალშობილის განზრახ მკვლელობის ფაქტზე ახალგაზრდა ქალი დააკავეს. გამოძიება დაწყებულია სსკ-ის 112-ე მუხლით, რაც დედის მიერ ახალშობილის განზრახ მკვლელობას მშობიარობისას ან მშობიარობის შემდეგ უმალვე გულისხმობს.
არსებული ინფორმაციით, ქალმა რამდენიმე დღის წინ, ნაქირავებ ბინაში იმშობიარა, რის შემდეგაც ბავშვის მამას დაუკავშირდა და გარდაცვლილი შვილის ცხედარი დაკრძალვის მიზნით გადასცა.
ექსპერტიზამ უნდა დაადგინოს რა გახდა ახალშობილის გარდაცვალების მიზეზი. თავად დაკავებული კი ზუგდიდის რეფერალურ საავადმყოფოში მკურნალობს, რომელსაც ჯანმრთელობის გაუარესების შემდეგ მიმართა.
