კორონავირუსის პანდემიის გამო შესაძლოა 130 მილიონზე მეტი ადამიანი ქრონიკული შიმშილობის წინაშე აღმოჩნდეს. ამის შესახეს გაეროს დღეს გამოქვეყნებულ ანგარიშშია აღნიშნული.
გაეროს სურსათისა და სოფლის მეურნეობის ორგანიზაციამ (FAO) მსოფლიოში სურსათის უვნებლობისა და კვების რაციონის შესახებ ანგარიში გამოაქვეყნა, რომელშიც ნათქვამია, რომ "პანდემია კვების გლობალური სისტემების დაუცველობასა და უკმარისობას ზრდის".
ანგარიშში ნათქვამია, რომ 2020 წლის ბოლოსთვის კორონავირუსის პანდემიით გამოწვეული ეკონომიკური რეცესიის შედეგად, კიდევ 83 მილიონი ადამიანი და შესაძლოა ჯამში 130 მლნ ადამიანი მშიერი აღმოჩნდეს.
ანგარიშის მიხედვით, ამ მიმართულებით ყველაზე მძიმე მდგომარეობაში აფრიკის რეგიონია, რომელსაც მოსდევს აზია, ლათინური ამერიკა და კარიბის ზღვის აუზი.