ხანგრძლივი დისკუსიის შემდეგ, ბრიუსელში ევროკავშირის წევრმა ქვეყნებმა შეთანხმებას მიაღწიეს იმ ქვეყნების ჩამონათვალზე, რომელთათვისაც 1-ლი ივლისიდან საზღვრები გაიხსნება. ამის შესახებ Euronews-ი იტყობინება.
დიპლომატიურ წყაროზე დაყრნობით, Euronews-ი წერს, რომ სიაზე მუშაობა უკვე დასრულდა და მისი გამოქვეყნება დღეს, ან 1-ელ ივლისს არის მოსალოდნელი.
იუწყებიან, რომ შემუშავებულია ორი სახის სია. პირველ სიაში ის ქვეყნები შევლენ, რომელთაც გაუხსნიან საზღვრებს, ხოლო მეორეში შევლენ ის ქვეყნები, რომლებისთვისაც ევროკავშირის ტერიტორიაზე შესვლა ჯერჯერობით შეუძლებელი იქნება.
ქვეყნების ჩამონათვალი, რომელთაც ევროკავშირი საზღვრებს გაუხსნის ასეთია: საქართველო, მონტენეგრო, სერბეთი, კანადა, ურუგვაი, ალჟირი, ტუნისი, მაროკო, რუანდა, ავსტრალია, ახალი ზელანდია, იაპონია, სამხრეთ კორეა, ტაილანდი და ჩინეთი (მხოლოდ იმ შემთხვევაში თუ ჩინეთიც საპასუხო ნაბიჯს გადმოდგამს).
Euronews-ის წყარო აცხადებს, რომ ევროკავშირი შეერთებულ შტატებს, რუსეთსა და ბრაზილიას საზღვრებს ჯერ არ გაუხსნის.