საქართველოს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარემ, სოფო კილაძემ კომიტეტის სხდომაზე განაცხადა, რომ ბიძინა ივანიშვილი "ნაციონალურ მოძრაობას" "პოლიტიკურად მოინელებს".
ამ განცხადებით სოფო კილაძემ "ნაციონალური მოძრაობის" წევრს, რომან გოცირიძეს კომიტეტის სხდომაზე მიმართა, სადაც სახალო დამცველის ანგარიშს ისმენენ.
"ქართველმა ხალხმა საკუთარ ტყავზე კარგად გამოსცადა, თქვენ როგორი დემოკრატია გქონდათ, როგორ ასაუბრებდით ხალხს, როგორი სიტყვის თავისუფლება იყო. თქვენ რამდენჯერმე ახსენეთ. ზუსტად ვიცი, რომ ბიძინა ივანიშვილი ყელში გეჩხირებათ, ვერ მოინელებთ, პოლიტიკურად ის იქეთ მოგინელებთ", - უთხრა კილაძემ რომან გოცირიძეს.
კილაძის ეს შეფასება მოჰყვა რომან გოცირიძის განცხადებას მართლმსაჯულების სისტემის შესახებ. გოცირიძემ განაცხადა, რომ ქვეყანაში მართლმსაჯულება მოკვდა.