საპარლამენტო უმრავლესობის წევრი, ირაკლი კობახიძე აცხადებს, რომ ოპოზიცია ერთმანეთის ჭამით არის დაკავებული რაც ძალიან კარგია, როგორც ქვეყნისთვის, ასევე მათთვის [ქართული ოცნებისთვის].
"ოპოზიცია ერთმანეთს ჭამს პარტიებში, პარტიებს გარეთ, მედიაში, არასამთავრობო ორგანიზაციებში. ყველგან არიან ერთმანეთთან დაპირისპირებული, რაც ძალიან კარგია იმიტომ, რომ ეს რადიკალური ოპოზიცია საბოლოო ჯამში იმ მოცულობითაც ვერ იქნება მომდევნო პარლამენტში წარმოდგენილი, რა ფორმითაც დღეს არის. შესაბამისად, გააგრძელონ ერთმანეთის ჭამა, ეს მხოლოდ კარგია ჩვენთვის და ქვეყნისთვის", - განაცხადა კობახიძემ.