ოპოზიცია ყალიბდება კრიმინალურ ოპოზიციად, რომლის ბოლო არის საზოგადოებისგან დასჯა. ამის შესახებ პარლამენტის თავმჯდომარის მოადგილემ მამუკა მდინარაძემ მედიის წარმომადგენლებს განუცხადა.
მისი განცხადებით, ოპოზიცია მთავარ საკითხად გიორგი რურუას საკითხს აყენებს საქართველოს კონსტიტუციაში შესატანი ცვლილებების და საქართველოს მომავლის საპირწონედ.
"ოპოზიცია თავად არის კრიმინალური მენტალობის, ოპოზიცია თავად აგებს გეგმებს დესტრუქციაზე, ოპოზიცია მთავარ საკითხად თავად აყენებს გიორგი რურუას საკითხს საქართველოს კონსტიტუციაში შესატანი ცვლილებების და საქართველოს მომავლის საპირწონედ, სადაც საზოგადოებრივი კონსენსუსი არსებობს, რომ ეს მოდელი გაცილებით ჯობს იმას, რითაც უნდა ჩატარებულიყო არჩევნები. როდესაც სასწორის ერთ მხარეს გიორგი რურუა, ასეთი წარსულის მქონე ადამიანი დევს, როგორც ვითომ პოლიტპატიმარი, ოპოზიციის მიერ დარქმეული სტატუსით პოლიტპატიმარი, თორემ რეალურად როგორი პოლიტპატიმარია - ალბათ საზოგადოების უდიდესმა ნაწილმა იცის, მაშინ თვითონ ყალიბდება ოპოზიცია კრიმინალურ ოპოზიციად, რომლის ბოლო არის საზოგადოებისგან დასჯა. კრიმინალებს ზოგადად, სჯის სახელმწიფო, კრიმინალურ ოპოზიციას სჯის ხალხი", - განაცხადა მამუკა მდინარაძემ.
