- საზოგადოება 19 ივნისი 2020, 10:28
გაზეთმა Hurriyet-მა ვოლოდიმირ ზელენსკი და ვერა ბრეჟნევა "დააქორწინა"
ერთ-ერთმა პოპულარულმა თურქულმა გაზეთმა Hürriyet-მა გამოაქვეყნა მასალა უკრაინის პირველი ლედის COVID-19-ით ინფიცირებაზე. სტატიაში გამოყენებული იქნა ფოტო მასალა, სადაც ვოლოდიმირ ზელენსკი მეუღლე ელენა ზელენსკის ნაცვლად მომღერალი ვერა ბრეჟნევასთანაა გამოსახული.
ფოტო გაზეთის პირველ გვერდზე დაიბეჭდა. რეალურად კი, ვოლოდიმირ ზელენსკისა და ვერა ბრეჟნევას ერთობლივი ფოტო კინოფილმის გადაღებების კადრებს ასახავს, რომელთაც 2016 წელს მონაწილეობა მიიღეს ფილმში "რვა საუკეთესო პაემანი", სადაც ვოლოდიმირ ზელენსკი და ვერა ბრეჟნევა მთავარ როლს თამაშობდნენ.
