სომხეთის პარლამენტის წევრი, სომხურ-ქართული პარლამენტთაშორისი მეგობრული ჯგუფის თავმჯდომარე, ლენა ნაზარიანი საქართველოს პარლამენტის წევრებსა და ქართველ ხალხს მადლობას უხდის მხარდაჭერისათვის.
"ძვირფასო ქართველო პარტნიორებო, როგორც სომხურ-ქართული პარლამენტთაშორისი მეგობრული ჯგუფის თავმჯდომარე, გამოვხატავ ჩემს მადლიერებას ჩემი კოლეგებისა და ქართველი ხალხის მიმართ ამ რთულ მომენტში მათი მხარდაჭერის გამო. ჩვენმა საყვარელმა ქართველმა და სომეხმა ხალხმა ათასწლეულების განმავლობაში მრავალი გამოწვევა გადალახა და მე დარწმუნებული ვარ ამ უხილავ მტერზე, კორონავირუსზე, გამარჯვებასაც ერთად ვიზეიმებთ. დიდი მადლობა!", - წერს ნაზარიანი ფეისბუქში.
შეგახსენებთ, რომ საქართველოს მოქალქეებმს შექმნეს პეტიცია და საქართველოს მთავრობას სომხეთის დახმარებისკენ მოუწოდეს.