ბაზისბანკი სერვისების შეუფერხებელ მიწოდებას, როგორც დისტანციური არხების, ასევე სერვისცენტრების მეშვეობით კვლავინდებურად აგრძელებს.
"ჩვენ ვზრუნავთ მომხმარებლისა და თანამშრომლების უსაფრთხოებაზე. შესაბამისად, COVID-19-ით ინფიცირების პრევენციისთვის ვითვალისწინებთ ყველა იმ რეკომენდაციას, რომელიც განსაზღვრულია ჯანდაცვის საერთაშორისო თუ ლოკალური ორგანიზაციების მიერ", აცხადებენ ბანკში.
უსაფრთხო სამუშაო გარემოს და მომსახურების უზრუნველყოფის მიზნით, ყველა სერვისცენტრში შექმნილია სანიტარიული ზონა: დამონტაჟებულია დეზობარიერები, ბანკში შესვლისთანავე მომხმარებელს აქვს საშუალება დაიმუშაოს ხელები სადეზინფექციო ხსნარით. მიმდინარეობს როგორც თანამშრომლების, ასევე სერვისცენტრში მისული მომხმარებლის თერმოსკრინინგი.
"მადლობა ჩვენი გუნდის თითოეულ წევრს, რომელიც უწყვეტ რეჟიმში, შეუფერხებლად აგრძელებს ჩვენი მომხმარებელისთვის საბანკო სერვისების მიწოდებას.
აქვე, შეგახსენებთ, რომ საჭირო საბანკო ოპერაციების განხორციელება სახლიდან გაუსვლელად, ბაზისბანკის ელექტრონული სერვისების საშუალებით, ბანკის ოფისებში ვიზიტის გარეშე, უწყვეტ რეჟიმშია შესაძლებელი. ბაზისბანკის ციფრული არხებით სარგებლობა უფასოა", აღნიშნულია ბაზის ბანკის განცხადებაში.
