ბათუმში, ტაბიძის ქუჩაზე, ერთ-ერთ სკვერში ქალის ცხედარი იპოვეს. აჭარის საზოგადოებრივი მაუწყებლის ინფორმაციით, ადგილზე მისულ სასწრაფო დახმარების ექიმებს, მოქალაქე უკვე გარდაცვლილი დახვდა.
50 წლამდე ასაკის ქალი, ლევან სამხარაულის ექსპერტიზის ეროვნულ ბიუროში გადაასვენეს. ექსპერტიზის ჩატარების შემდეგ გაირკვევა, რა გახდა გარდაცვალების მიზეზი.
შინაგან საქმეთა სამინისტროში ამბობენ, რომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
